इनिशा विकको न्यायको माग गर्दै बुधबार माइतीघर मण्डलामा प्रदर्शन गरिएको छ।
विभिन्न नागरिक समूह तथा अधिकारकर्मीहरू सडकमा उत्रिएर घटनामा संलग्न दोषीलाई कडा कारबाही गर्न माग गरेका हुन्। सुुर्खेतकी १६ बर्षीय इनिशा विकको बलात्कारपछि हत्या भएको घटनाले देशभर विरोध चर्किएकोछ ।
दलित समुदायमाथि हिंसाका घटना बढ्दै गएको भन्दै दलित अधिकारकर्मी तथा युवाहरुले काठमाडौंको माइतीघरमा प्रदर्शन समेत गरेका हुन् ।
प्रदर्शनकारीहरूले पीडितलाई न्याय दिलाउन राज्यले निष्पक्ष छानबिन गर्नुपर्ने तथा दोषीलाई कानुनी दायरामा ल्याउनुपर्ने बताएका छन्। उनीहरूले सत्ता र शक्तिको आडमा अपराधीलाई उन्मुक्ति दिन नहुने भन्दै न्यायका लागि एकजुट हुन पनि आह्वान गरेका छन्।
प्रदर्शनका क्रममा सहभागीहरूले महिला हिंसा बन्द गर,बलात्कारीलाई कडा कारवाहि गर, सरकार बदलियोे समाज बदलिएन लगायतका प्लेकार्ड बोकेर घटनाको निष्पक्ष अनुसन्धान र पीडित परिवारलाई न्याय सुनिश्चित गर्न माग गरेका थिए।
